Parlamenti i Maqedonisë miraton buxhetin

Parlamenti i Maqedonisë miratoi sot buxhetin për vitin 2012, i cili arrin në 2.7 miliard Euro. Rritja e prodhimit bruto të vendit parashikohet 4.5 përqind, ndërsa inflacioni 2.5 përqind. Deputetët e partive opozitare shqiptare nuk ishin të pranishëm gjatë votimit. Sipas tyre, buxheti diskriminon zonat e banuara me shqiptarë, ndërkohë që Bashkimi Demokratik për Integrim, pjesë e koalicionit qeveritar, thotë se 25 përqind e buxhetit do të shkojë për projekte në zonat shqiptare.