Përfaqësues nga Irani dhe 6 fuqi botërore i dhanë fund takimit të parë në Turqi, të organizuar për të diskutuar programin bërthamor të Teheranit. Nuk është njoftuar ndonjë përparim gjatë takimit.
Negociatorët zhvilluan sot 2 orë bisedime në Stamboll, por sipas agjencisë së lajmeve Reuters, nuk ka pasur shenja kompromisi nga ana e Iranit.
Bisedimet përfshijnë 5 anëtaret e përhershme të Këshillit të Sigurimit dhe Gjermaninë. Zyrtarët iranianë thanë se bisedimet filluan në një atmosferë pozitive.