Përkrahësit e faqes WikiLeaks kanë zgjeruar luftën e tyre në internet kundër kompanive Paypal dhe Amazon të cilat i akuzojnë se janë kundër lirisë së informacionit.
Grupi i njohur si Anonimët i udhëzoi përkrahësit e tyre në Twitter ta mbingarkonin me kërkesa për informacione faqet elektronike të dy kompanive. Megjithatë, sulmet mbi faqen e kompanisë Amazon nuk arritën ta bllokonin atë.
Këto përpjekje pasuan sulme të tjera kundër faqeve të kompanive kryesore të kartave të kreditit MasterCard dhe Visa pasi ato bllokuan donacionet për faqen WikiLeaks.