Lidhje

Policia ruse arreston dhjetra protestues në Moskë

  • Zëri Amerikës

Policia ruse arrestoi dhjetra protestues që po demonstronin para një stacioni televiziv në Moskë, pasi transmetoi një dokumentar ku thuehj se shiheshin njerzit duke u paguar për të dalë në protesta kundër presidentit të zgjedhur, Vladimir Putin.

Të paktën 500 veta u mblodhen sot për një miting afër kullës më të madhe televizive në qytet. Shumë prej tyre brohoritnin “Turp NTV” dhe “Rusia pa Putinin”.

Aktivisti rus i opozitës Sergei Udaltsov, i cili ishte në radhët e të arrestuarëve e cilësoi si “tradhtar” gazetarin, i cili kishte përgatitur filmin.

Programi i televizionit NTV “Anatomia e një Proteste” akuzon se disa nga pjesëmarrësit në tubimet e protestave e kanë bërë kërë gjë kundrejt pagesave me para në dorë. Programi linte të kuptohej gjithashtu se kjo lëvizje ishte financuar nga Perëndimi.

NTV dikur ka qenë një stacion i pavarur televiziv, por ra nën kontrollin e shtetit kur zoti Putin erdhi për herë të parë në pushtet në vitin 2000. Drejtuesit e këtij rrjeti televiziv thanë se këtë film dokumentar do ta ritransmetojnë edhe sot.

XS
SM
MD
LG