Lidhje

Në pranga një gjykatëse dhe një avokat


Gjyqtarja Parashqevi Ademi e gjykatës së Kurbinit dhe avokati Gjovalin Prendi, u arrestuan ndërsa po ndanin paratë një ryshfeti

Në Shqipëri një gjykatëse e rrethit të Kurbinit në veri të vendit, Parashqevi Ademi dhe një avokat, Gjovalin Prendi, u arrestuan sot nga Prokuroria e Krimeve të Rënda, në kushtet e flagrancës duke ndarë me njëri tjetrin një shumë prej 200 mije lekësh. Sasia e parave ishte dhënë nga një klient i Prendit, në këmbim të një vendimi në favor të tij. Por më parë, klienti kishte bërë denoncim pranë autoriteteve. Një ditë më parë, Këshilli i Lartë i Drejtësisë i kishte dhënë autorizim Prokurorisë për arrestimin e gjykatëses Ademi.

Pak ditë më parë Prokuroria e Krimeve të Rënda arrestoi një tjetër gjykatës, Rasim Doda, i gjykatës së Sarandës, i cili kishte kërkuar një ryshfet prej 8 milion lekësh (afro 70 mijë dollarë) për të dhënë një vendim në favor të njërës prej palëve të përfshira në një cështje civile pronësie.

Mendimi juaj

Trego komentet

XS
SM
MD
LG