Lidhje

Pres. Obama, Uashingtoni garanton që Irani “do të pagojë një çmim”

  • Zëri Amerikës

Pres. Obama, Uashingtoni garanton që Irani “do të pagojë një çmim”

Pres. Obama, Uashingtoni garanton që Irani “do të pagojë një çmim”

Presidenti i Shteteve të Bashkuara, Barak Obama, tha se Uashingtoni garanton që Irani “do të paguaj një çmim” për tentativën për atentat ndaj ambasadorit saudit në Shtetet e Bashkuara.

Zoti Obama foli sot para gazetarëve gjatë një konference të përbashkët për shtyp me Presidentin koreano-jugor Lee Myung-bak, në Uashington.

Ai tha se është e qartë që individë të brendshëm të qeverisë iraniane ishin në dijeni të komplotit, duke e quajtur atë pjesë të një “sjelljeje të rrezikshme dhe të pamatur”.

Ai tha gjithashtu se Shtetet e Bashkuara do të marrin parasysh të gjitha alternativat për t’iu përgjigjur komplotit dhe se do të fillohej duke aplikuar sanksione të mëtejshme për të izoluar Teheranin.

Ndërkohë, Arabia Saudite e ka akuzuar Iranin se po përpiqet të sigurojë ndikim ndërkombëtar përmes vrasjeve, pasi Shtetet e Bashkuara e akuzuan Teheranin si ideator të një komploti për vrasjen e ambasadorit të Arabisë Saudite në Washington. Ministri i Jashtëm saudit, Princi Saud al-Faisal tha sot gjatë një vizite në Australi se vendi i tij po përpiqet për t’iu kundërpërgjigjur veprimeve të Iranit dhe se nuk përkulet para presioneve.

XS
SM
MD
LG