Presidenti Obama tha se ratifikimi i një traktati për pakësimin e armëve bërthamore me Rusinë është një domosdoshmëri për sigurinë kombëtare që nuk duhet të vonohet.
Presidenti Obama bëri thirrje për ratifikimin e shpejtë të traktatit START pas takimit me ish zyrtarë diplomatikë dhe të mbrojtjes nga të dyja partitë politike në Shtëpinë e Bardhë.
Traktati kërkon pakësimin e armëve të dislokuara bërthamore me rreth 30 për qind, por ratifikimi i tij është vonuar për shkak të kundërshtimit nga ligjvënës në senatin amerikan.