Presidenti kinez Hu Gjintao ka mbërritur në Uashington, për një vizitë zyrtare në SHBA.
Zv/Presidenti amerikan Xho Bajden i uroi i pari mirëseardhjen udhëheqësit kinez në bazën e Forcave Ajrore Endrjus në periferi të Uashingtonit pasditen e djeshme.
Më vonë, z.Hu mori pjesë një darkë private me presidentin amerikan Barak Obama në Shtëpinë e Bardhë. Në këtë darkë morën pjesë edhe Sekretaria e shtetit Hillary Clinton dhe Këshilltari për sigurimin kombëtar Tom Donilon së bashku me homologët e tyre kinez. Bisedimet amerikano-kineze në shkallë të gjerë fillojnë sot . Një darkë zyrtare është caktuar mbrëmjen e sotme.
Marrëdhëniet tregtare dypalëshe dhe ekonomia pritet të jenë në krye të axhendës së takimeve SHBA- Kinë.
Zëdhenësi i Shtëpisë së Bardhë, Robert Gibbs tha se çështjet globale politike si Koreja e Veriut dhe ambicjet bërthamore të Iranit do të jenë gjithashtu pjesë të bisedimeve midis palës kineze dhe amerikane.
Çështja e të drejtave të njeriut në Kinë, mbrojtja e pronës intelektuale, energjia, forcimi i ushtrisë kineze dhe tensionet shumëpalëshe me Korenë e Veriut janë gjithashtu në axhendën e takimeve.
Mbas Uashingtonit, presidenti kinez do të vizitojë qendrën veriore amerikane të biznesit, Çikagon, qyteti e tretë më të madh në Amerikë, përpara se të kthehet në Pekin.
