Presidenti Barack Obama fali jeten e dy gjel-detëve me rastin e Festës së Falenderimeve, duke i kursuar ata, që mos të bëhen pjesë e darkës tradicionale të ditës së Falenderimeve.
Në një ceremoni të përvitshme në Shtëpinë e Bardhë një ditë para festës, Presidenti Obama fali dy gjel-detë të moshes 19 javore me një peshë prej 20 kilogramësh nga tavolina e darkës së falenderimeve, ku ky shpend zakonisht është ushqimi kryesor i kësaj darke.
Presidenti Obama bëri shaka me rastin e faljes së këtyre dy shpendëve të quajtur “Liria” dhe “Paqja” kur tha se ky vendim ishte pjesë e veprimeve ekzekutive që ai ka ndërmarrë kohët e fundit pa patur nevojë për miratimin e Kongresit.
Sot më vonë, Presidenti Obama dhe familja e tij do t’u japin dy gjel-deta të tjerë një organizate bamirësie në zonën e Washigntonit që ushqen njerëz të varfër.
