Lidhje

Presidenti Obama viziton Kuotën Zero në Nju Jork

  • Zëri Amerikës

Presidenti Obama viziton Kuotën Zero në Nju Jork

Sot, Presidenti Barak Obama vendosi një kurorë lulesh në vendin ku dikur ngrihej qendra Botërore e Tregëtisë, disa ditë mbasi forcat amerikane vranë Osama bin Ladenin.

Presidenti shkoi në Nju Jork për të nderuar viktimat e 11 shtatorit të vitit 2001. Presidenti mbajti një minutë heshtje për viktimat gjatë një ceremonie në vendin e quajtur Kuota Zero. Ai shoqërohej nga kryebashkiaku i Nju Jorkut Majkëll Bloomberg dhe guvernatori i Nju Jorkut Endrju Kuomo.

Zoti Obama do të takohet privatisht me të afërmit e të vrarëve gjatë sulmeve terroriste.

Sot në mëngjes, Presidenti Barak Obama u tha zjarrëfikësve në qytetin e Nju Jorkut se vdekja e Osama Bin Ladenit dërgoi një mesazh anembanë botës se Shtetet e Bashkuara nuk do të harrojnë kurrë sulmin terrorist të 11 shtatorit të vitit 2001.

Zoti Obama, i shoqëruar nga ish kryebashkiaku i Nju Jorkut, Rudi Xhuliani, i bëri këto komente gjatë takimit me turnin e zjarrëfikësve që humbën 15 kolegë të tyre gjatë sulmeve. Ai vizitoi gjitahshtu një stacion policie, oficerët e të cilit ishin të parët në vendngjarje në 11 shtator.

Zv/ presidenti Xho Bajdën nesër do të vendosë një kurorë lulesh në përkujtimoren për viktimat e 11 shtatorit në Pentagon.

XS
SM
MD
LG