Presidenti Bamir Topi në ditën e dytë të vizitës së tij në Maqedoni sot shkoi në Tetovë. Ai u tha qindra shqiptarëve që kishin dalë për ta pritur, se duhet të jetojnë në paqe dhe në harmoni me bashkëqytetarët e tyre maqedonas. Presidenti Topi u takua edhe me drejtuesit politikë shqiptarë, me të cilët ka biseduar mbi zhvillimet politike dhe ngjarjet e fundit në Maqedoni; ndërkohë që ata e kanë njohur me arritjet apo zvarritjet e të drejtave të shqiptarëve të atjeshëm.