Përfaqësues të familjarëve të personave të zhdukur, edhe sot në natën e vitit të ri, protestuan me thirrjet për më shumë angazhim për ndriçimin e fatit të të afërmve të tyre. Ata u shprehën të pakënaqur me procesin e deritashëm, ndërsa shtruan shqetësimin edhe për rezultatet e bisedimeve të ardhshme të mundshme ndërmjet Prishtinës dhe Beogradit. Njëmbëdhjetë pas luftës në Kosovë, vazhdon të mbetet i paqartë fati i mbi 1 mijë e 800 personave, pjesa më e madhe e të cilëve shqiptarë të Kosovës.