Qindra vetë protestuan në qytetin e Prizrenit në Kosovën jugore, duke kërkuar dorëheqjen e kryetarit të këtij qyteti, Ramadan Muja. Javën e kaluar zoti Muja u dënua me dy vjet heqje lirie me kusht dhe pamundësi ushtrimi të funksionit publik për 30 muaj, nën akuzat për shpërdorim të detyrës. Zoti Muja, që vjen nga radhët e Partisë Demokratike pezulloi funksionin e tij deri në shqyrtimin e rastit nga Gjykata e Apelit, por kjo u cilësua e paligjshme nga organizatorët e protestave.
