Zadrima dhe Nënshkodra janë dy zona fushore në Veri të Shqipërisë, të njohura për traditën e tyre në bujqësi. Fermerët e kësaj zone janë përqëndruar në kultivimin e grurit të nxitur edhe nga kapacitetet përpunuese që ofron një fabrikë e ndërtuar në fshatin Mjedë. Vitet e fundit, në zonat fshatare janë shtuar kërkesat për objekte të industrisë së lehtë për të përpunuar produktet bujqësore.