Në Moskë dhe Shën Peterburg kanë demonstruar sot sërish protestues të pakënaqur për mënyrën e zhvillimit të zgjedhjeve të fundit parlamentare në Rusi.
Protestat kundër partisë në pushtet Rusia e Bashkuar e kryeministrit rus Vladimir Putin janë organizuar nga partia komuniste, e cila garonte në zgjedhjet e 4 dhjetorit.
Mijëra protestuesit e sotëm ishin shumë më pak se dhjetra mijëra që mbushën rrugët e kryeqytetit rus dhe qyteteve të tjera javën e kaluar.
Si opozita edhe vëzhguesit e huaj thonë se pati parregullsi dhe mashtrime në numërimin e votave.
Demonstratat vijnë më pak se tre muaj përpara zhvillimit të zgjedhjeve presidencale, të cilat priten gjerësisht të fitohen nga zoti Putin.