Qindra pakistanezë, duke protestuar kundër filmit kundër Islamit të realizuar në Shtetet e Bashkuara, u përleshën me policinë ndërkohë që përpiqeshin të marshonin drejt konsullatës amerikane në qytetin jugor të Karaçit.
Policia përdori sot gaz lotsjellës dhe pompa uji kundër demonstruesve, ndërsa ata i afroheshin konsullatës së ruajtur me masa të rrepta sigurie.
Shefi i policisë së Karaçit, Ikbal Mehmood, tha se gjatë përleshjeve ishin plagosur tetë persona. Protesta u organizua nga një grup fetar myslimanësh shiitë.
Ndërkohë, në qytetin Lahore të Pakistanit, rreth 5 mijë njerëz protestuan kundër filmit. Demonstrata paqësore u mbajtën në disa qytete të tjera në Pakistan, ku protestat ishin në përgjithësi të vogla në krahasim me ato gjatë trazirave të ditëve të fundit.
Edhe pse intensiteti i demonstratave në vendet e tjera myslimane është ulur, incidentet kanë vazhduar. Një grup i vogël aktivistësh dogjën sot një flamur amerikan jashtë ambasadës amerikane në kryeqytetin turk, Ankara.
Ambasadat perëndimore në të gjithë vendet myslimane vazhdojnë të qëndrojnë në gatishmëri të lartë.
Policia përdori sot gaz lotsjellës dhe pompa uji kundër demonstruesve, ndërsa ata i afroheshin konsullatës së ruajtur me masa të rrepta sigurie.
Shefi i policisë së Karaçit, Ikbal Mehmood, tha se gjatë përleshjeve ishin plagosur tetë persona. Protesta u organizua nga një grup fetar myslimanësh shiitë.
Ndërkohë, në qytetin Lahore të Pakistanit, rreth 5 mijë njerëz protestuan kundër filmit. Demonstrata paqësore u mbajtën në disa qytete të tjera në Pakistan, ku protestat ishin në përgjithësi të vogla në krahasim me ato gjatë trazirave të ditëve të fundit.
Edhe pse intensiteti i demonstratave në vendet e tjera myslimane është ulur, incidentet kanë vazhduar. Një grup i vogël aktivistësh dogjën sot një flamur amerikan jashtë ambasadës amerikane në kryeqytetin turk, Ankara.
Ambasadat perëndimore në të gjithë vendet myslimane vazhdojnë të qëndrojnë në gatishmëri të lartë.