Lidhje

Protesta të të rinjve shqiptarë në Gostivar

  • Isak Ramadani

Protesta të të rinjve shqiptarë në Gostivar

Protesta të të rinjve shqiptarë në Gostivar

Disa qindra të rinj shqiptarë, kryesisht nxënës të shkollave të mesme të Gostivarit, kanë protestuar sot qetësisht në shenjë dënimi të aktit të djeshëm në qytetin e tyre, ku një polic vrau dy shqiptarë për shkaqe banale. Protestuesit kërkuan drejtësi, por nuk munguan as parullat dhe brohoritjet me përmbajtje nacionaliste si “Ilirida” apo “Shqipëria etnike”!

Ndërkohë, Komuna e Gostivarit thotë se akti është pasojë e politikave nacionaliste të qeverisë, të manifestuara përmes ofendimeve kundër shqiptarëve në terrenet sportive.

“Fakti që vrasja është bërë nga një efektiv i policisë të cilit i është besuar mbrojtja e kufijve shtetërorë, shton shqetësimin e qytetarëve të komunës se në strukturat e rendit zënë vend edhe kriminelë me paragjykime nacionaliste”, thuhet në një komunikatë të nënshkruar nga prefekti Rufi Osmani.

Ambasadori amerikan në Shkup Paul Wohlers i pyetur nga mjetet e informimit rreth ngjarjeve në Gostivar, theksoi nevojën për respektimin e ligjit dhe zbardhjen deri në fund të rastit. Ai tha se duhet të mbizotërojë sundimi i ligjit dhe të ketë një proces normal hetimor.

Shotatat joqeveritare shqiptare “Zgjohu” dhe “ADI” kanë reaguar duke e cilësuar vrasjen si një akt të paramenduar. Ato kanë bërë thirrje për të mos rënë pre e provokimeve, ndërsa nga institucionet përkatëse kërkojnë që të dëshmojnë profesionalizëm dhe asnjanësi për të vënë në vend drejtësinë.

Qindra njerëz morën pjesë sot në varrimin e viktimave Besnik Shehapi dhe Imran Mehmeti.

Gostivari është shquar për marrëdhëniet korrekte ndëretnike në të kaluarën. Madje as ngjarjet e njohura të vitit ’97 kur policia vrau tre shqiptarë dhe plagosi shumë të tjerë që kishin dalë në mbrojtje të flamurit kombëtar shqiptar, nuk rezultuan në prishjen e raporteve ndërmjet shqiptarëve, të cilët përbëjnë shumicën, dhe maqedonasve, që përbëjnë më pak se 20 për qind të popullatës së këtij qyteti.

XS
SM
MD
LG