Qendra Historike e Gjirokastrës ende nuk ka një sistem për mbrojtjen nga zjarri ndërkohë që repartet e zjarrfikësve e kanë të pamundur të depërtojnë në disa nga pjesët historike me mjetet që kanë. Sipas drejtuesve të repartit të emergjencave, dëmtimi nga zjarri i disa banesave monumentale gjatë viteve të fundit kërkon hartimin e masave parandaluese. Pak ditë më parë në Gjirokastër u dogj banesa e disidentes antikomuniste Musine Kokalari, e cila ishte një monument që po kthehej në muze.