Egjiptianët po votojnë sot në raundin e dytë të zgjedhjeve parlamentare, pas raundit të parë, që u mbizotërua nga partitë islamike. Qendrat e votimit sot u hapën në 9 zona.
Votimet për Dhomën e Ulët të Parlamentit prej 498 vendesh do të vazhdojnë edhe nesër. Raundi i tretë i zgjedhjeve në 9 provincat e tjera do të mbahet në fillim të janarit.
Zgjedhjet parlamentare janë të parat që mbahen në Egjipt pas kryengritjes popullore që çoi në rrëzimin e presidentit Hosni Mubarak.