Autoritetet vendase e ndërkombëtare në Kosovë nuk komentuan për arrestimin në Serbi të personit të dyshuar për dhunë ndaj forcave të NATO-s në veriun e Kosovës.
Autoritet serbe thanë se Zvonko Veselinoviç është arrestuar për prodhim dhe trafikim të paligjshëm të armëve dhe mjeteve shpërthyese.
Por, opozita në Serbi dyshon se arrestimi i tij shënon fillimin e zhbërjes së institucioneve serbe në veriun e Kosovës, një kërkesë kjo e shtruar nga autoritetet ndërkombëtare, si kusht për t’i dhënë Serbisë statusin e vendit kandidat për anëtarësim në Bashkimin Evropian.