Ish guvernatori i shtetit Masaçusets, Mit Romni, fitoi lehtësisht në zgjedhjet paraprake në shtetin e Uashingtonit.
Ndërkohë që ishin numëruar dje shumica e votave, zoti Romni kishte fituar 37 përqind. Kongresmeni nga Teksasi, Ron Pol 25 përqind dhe ish senatori Rik Santorum 24 përqind, ndërsa ish kryetari i Dhomës së Përfaqësuesve, Nju Gingri, i katërti me diferencë të ndjeshme votash.
Votimet në Uashington i paraprinë të ashtuquajturës “Super e marta”, kur votohet në 10 shtete që që do të përcaktojë se kush do të përballet me Presidentin demokrat, Barak Obama, në zgjedhjet e muajit nëntor.
Në sondazhin më të fundit kombëtar të republikanëve, Romni ka 35 përqind mbështetje, ndërsa ish senatori Rik Santorum 24 përqind. Kandidatët e tjerë, Gingriç dhe Poll, pasojnë me 15 dhe 11 përqind respektivisht.