Rezultatet përfundimtare treguan se Sudani jugor votoi në mënyrë dërrmuese për t’u ndarë nga veriu, duke sjellë ndarjen e vendit afrikan në dy pjesë.
Komisioni i Referendumit të Sudanit Jugor tha sot se 98.83% e votuesve zgjodhën pavarësinë në referendumin e muajit të fundit.
Njoftimi i sotëm në Kartum konfirmoi rezultatete paraprake të votimeve.
Rajoni jugor duket se do të quhet Republika e Sudanit Jugor, dhe pritet që të bëhet shteti më i ri në botë në muajin korrik.
Rezultatet e referendumit u njoftuan në një ceremoni në kryeqytetin sudanez ku mori pjesë presidenti Omar al-Bashir, presidenti i Sudanit të Jugut Salva Kiir dhe përfaqësuesi i Kombeve të Bashkuara dhe Bashkimit Afrikan.