Lidhje

Roberto Saviano dhe Lydia Cacho, çmim për paqen dhe luftën kundër diskriminimit

  • Zëri Amerikës

Roberto Saviano dhe Lydia Cacho, çmim për paqen dhe luftën kundër diskriminimit

Gazetari italian Roberto Saviano dhe gazetarja meksikane Lydia Cacho janë fituesit e Çmimit Ndërkombëtar Olof Palme, që i jepet individëve që përpiqen për paqen dhe luftën kundër diskriminimit.

Fondi Olof Palme tha sot se ata u emëruan për ta ndarë çmimin bashkarisht, për përpjekjet e tyre për ekspozimin e rrjeteve kriminale, megjithë rrezikun e madh personal.

Roberto Saviano e fitoi çmimin për librin e tij të vitit 2006, të titulluar “Gomorrah”, që zbuloi veprimet e Mafias në Napoli dhe që e detyroi autorin të jetonte nën mbrojtjen e policisë për 24 orë.

Ndërsa gazetarja Cacho është përballur me një numër kërcënimesh me vdekje që kur botoi librin e saj të vitit 2005, “Demons of Eden”, që tregon historinë e një rrjeti për abuzimin seksual të fëmijëve.

XS
SM
MD
LG