Mijëra vetë në gjithë Rusinë u mblodhën sot në mbështetje të kandidaturës për president të kryeministrit Vladimir Putin.
Tubimi më i madh u mbajt në Shën Peterburg ku policia tha se deri në 60 mijë demonstrues dolën për të shprehur mbështetjen për zotin Putin.
Një përkrahëse e zotit Putin, Valentina Taran mohoi zërat se njerëzit ishin të detyruar të merrnin pjesë.
Disa protestues u përpoqën ta përdornin tubimin për të shprehur pakënaqësinë me zotin Putin dhe politikat e tij. Agjencia Associated Press njoftoi se dy protestues kundër Putinit, u ndaluan nga policia.
Mijëra vetë morën pjesë në tubimet pro-Putin në Nizhny Novgorod, Stavropol, Vladivostok dhe Volgograd.
Anketat tregojnë se zoti Putin ka shanset të fitojë në zgjedhjet e muajit të ardhshëm.