Lidhje

Rusi, zjarrfikësit arrijnë suksese në luftën me flakët

  • Zëri Amerikës

Në Rusi, zjarrfikësit po triumfojnë pak nga pak ndaj zjarreve vdekjeprurës që kanë rrafshuar fshatra të tërë, kanë djegur pyje dhe kanë lënë mijra njerëz pa strehë.

Një zyrtar i ministrisë së emergjencave tha sot se numri i zjarreve në Rusinë qendrore dhe perëndimore ka rënë nga 500 në 480 gjatë 24 orëve të fundit.

Zëdhënësja Irina Adrianova tha se zjarrfikësit e kanë pakësuar thuajse përgjysmë numrin e zjarreve në rajonet përreth Moskës.

Tymi dhe smogu i madh mbuloi kryeqytetin rus për javë të tëra duke bërë që mijra njerëz të largoheshin nga qyteti. Zyrtarët e shëndetësisë në Moskë thanë këtë javë se tymi së bashku me valën e të nxehtit rekord bëri që të dyfishohej numri i vdekjeve.

Dje për herë të parë pas shumë javësh në Moskë ra shi duke ndihmuar përpjekjet e zjarrfikësve dhe duke i lehtësuar banorët nga vala e të nxehtit.

XS
SM
MD
LG