Lidhje

Rusia: NATO po i rikthehet mentalitetit të Luftës së Ftohtë


Rusia akuzoi NATO-n se po kthehet pas në periudhën e të menduarit të Luftës së Ftohtë duke pezulluar bashkëpunimin me Rusinë pas aneksimit të rajonit ukrainas të Krimesë.

I dërguari i Rusisë në NATO Alexander Grushko shkroi në faqen e tij të Twitter-it të mërkurën se Natos i janë zgjuar instinktet themelore të Luftës së Ftohtë.

Ministrat e jashtëm të NATO-s vazhdojnë bisedimet e tyre në Bruksel sot mbi krizën në Ukrainë.

Ministrat vendosën të martën për t'i dhënë fund zyrtarisht të gjithë bashkëpunimit civile dhe ushtarak me Rusinë. Ata thanë se nuk e njohin aneksimin e gadishullit të Krimesë nga Rusia dhe i bën thirrje Moskës që menjëherë të zbatojë ligjet ndërkombëtare.

Kanalet diplomatike ndërmjet NATO-s dhe Moskës mbeten të hapura.

Ndërkohë Kongresi amerikan miratoi zyrtarisht sanksionet ndaj Rusisë dhe një ndihmë prej 1 miliard dollarë për qeverinë ukrainase.

Trego komentet

XS
SM
MD
LG