Numri i viktimave nga sulmi vetëvrasës në rajonet e Kaukazit Verior në Rusi ka arritur në 17.
Policia ruse ka arrestuar tre persona që dyshohen si autorët e shpërthimit të djeshëm në Osetinë Veriore. Mbi 100 persona të dëmtuar nga shpërthimi janë në spital.
Sipas autoriteteve ruse autori i sulmit vetëvrasës aktivizoi një bombë prej 30 kilogramësh të mbushur me pjesë metalike në hyrje të një tregu të hapur të qytetit Vladikavkaz. Askush nuk e ka marrë ende përgjegjësinë.