Lidhje

Sonda Schiaparelli përgatitet për zbritjen në Mars


Një sondë eksperimentale e Agjencisë Evropiane të Hapësirës pritet të zbresë të mërkurën në Mars, në kuadër të misionit për të eksploruar atmosferën e planetit dhe për të kërkuar për shenja jete.

Kontrollorët e misionit në Gjermani e përshëndetën me duartrokitje shkëputjen e sondës Schiaparelli nga anija hapësinore, Trace Gas Orbiter, në përputhje me planin dje, pas një udhëtimi shtatë mujor, prej 496 milionë kilometrash nga Toka.

Sonda Schiaparelli do të dërgojë imazhe nga Marsi dhe do të bëjë matje shkencore të sipërfaqes së planetit, por synimi kryesor është vënia në provë e pajisjeve për një mision të ardhshëm në Mars.

Ndërkaq, anija vazhdon të udhëtojë në orbitë, duke analizuar gazet e atmosferës së Marsit për të zbuluar nëse ka aktualisht apo ka pasur më parë jetë në këtë planet.

Dy mjetet hapësinore janë pjesë e misioit ExoMars, një përpjekje e përbashkët e Agjencisë Evropiane të Hapësirës dhe Agjencisë Ruse Roscosmos.

Në fazën e ardhshme, programi ExoMars planifikon të dërgojë një sondë në Mars në 2020, të pajisur me instrumente për të studiuar përbërjen gjeokimike të planetit.

XS
SM
MD
LG