Lidhje

Senati italian miraton masa të reja shtrënguese ekonomike

  • Zëri Amerikës

Senati italian miraton masa të reja shtrënguese ekonomike

Senati italian miraton masa të reja shtrënguese ekonomike

Senati italian miratoi masa të reja shtrënguese ekonomike, hapi i parë për të adresuar krizën financiare të vendit dhe për t’i hapur rrugën dorëheqjes së Kryeministrit Silvio Berluskoni.

Dhoma e Lartë e parlamentit të Italisë miratoi reformat financiare dje, ndërsa Dhoma e Deputetëve pritet t’i miratojë ato sot. Kur plani të miratohet përfundimisht, zoti Berluskoni ka thënë se do të japë dorëheqjen nga posti i kryeministrit.

Kjo ka të ngjatë të çojë në formimin e një qeverie të re, të kryesuar nga ish komisioneri i konkurencës së Bashkimit Evropian, Mario Monti. Presidenti e Italisë, Xhiorxhio Napolitano e emëroi zotin Monti në fillim të javës senator të përjetshëm dhe senatorët e përshëndetën hyrjen e tij në sallë dje.

Ndërkohë në Greqi, Lukas Papadhimas bëri betimin si kryeministër i përkohëshëm. Qëllimi është miratimi i kushteve të vështira të paketës evropiane të shpëtimit financiar. Kabineti i tij i ri përfshin ministrin e Financave Evangjelos Venizellos, një figurë me rëndësi e qeverisë parardhëse të kryeministrit socialit Jorgo Papandreu.

Tregjet evropiane dhe amerikane të aksioneve u ngritën ndjeshëm dje, pasi investitorët mirëpirtën lajmet nga Italia dhe Greqia.

XS
SM
MD
LG