Separatistët pro-rusë kanë hapur zjarr ndaj një anijeje kufitare patrullimi ukrainase, në Detin e Azovit.
Një zëdhënës ukrainas thotë se ishte përdorur artileri dhe se anija kishte pësuar dëmtime.
Nuk ka informacion se sa të rënda janë dëmet dhe nëse ka viktima.
Por një ish-komandant ushtarak separatist e quan këtë humbjen e parë detare të qeverisë ukrainase.
Deti Azov lag gjithë bregun juglindor të Ukrainës, ku forcat qeveritare po luftojnë për të rimarrë kontrollin nga separatistët pro-rusë.
Presidenti rus Vladimir Putin po bën thirrje për bisedime të menjëhershme dhe të gjithanshme për statusin e Ukrainës juglindore.
Zoti Putin tha sot në televizionin shtetëror se një lëvizje e tillë është e nevojshme “për të mbrojtur interesat e ligjshme të popullsisë” së rajonit.