Në Kosovë, përfaqësuesit e serbëve lokalë në veriun e vendit paralajmëruan mundësinë e mbajtjes së një referendumi me të cilin qytetarët serbë në atë zonë do të deklarohen nëse duan apo jo të pranojnë institucionet e Kosovës.
Kjo nismë e cila hidhet poshtë nga autoritetet e Prishtinës, është kundërshtuar edhe nga pushteti në Beograd, i cili akuzon opozitën se nëpërmjet veprimeve të tilla po e largon Serbinë nga rruga e saj evropiane.
Serbia dështoi të marrë këtë muaj statusin e vendit kandidat për anëtarësim në Bashkimin Evropian për shkak të zhvillimeve në veriun e Kosovës.