Lidhje

Serbia dhe Kosova ndërmarrin përpjekje të reja diplomatike

  • Zëri Amerikës

Serbia dhe Kosova ndërmarrin përpjekje të reja diplomatike

Serbia dhe Kosova ndërmarrin përpjekje të reja diplomatike

Serbia dhe Kosova po ndërmarrin përpjekje të reja diplomatike – Prishtina për siguruar më tepër njohje ndërkombëtare të pavarësisë së saj ndërsa Beogradi për t’i penguar ato.

Përpjekjet vijnë pas opinionit të shprehur të enjten nga Gjykata Ndërkombëtare e Drejtësisë, e cila e quajti të ligjshme dhe në përputhje me ligjin ndërkombëtar deklaratën e pavarësisë së Kosovës nga Serbia në vitin 2008.

Kosova po e shfrytëson opinionin e dhënë nga gjykata për t’u bërë thirrje më shumë vendeve që ta njohin zyrtarisht sovranitretin e saj. Deri tani, 69 vende, duke përfshirë Shtetet e Bashkuara dhe më tepër se 20 shtete të Bashkimit Evropian e kanë njohur Prishtinën.

Serbia po e lufton opinionin e Gjykatës duke dërguar emisarë në 55 vende në përpjekje për të bllokuar njohje të mëtejshme. Serbia po përpiqet gjithashtu të pengojë përpjekjet e Kosovës për t’u anëtarësuar në Kombet e Bashkuara.

Ministri i Jashtëm i Serbisë, Vuk Jeremiç tha dje se vendimi i Gjykatës mund t’u japë nxitje lëvizjeve të tjera separatiste në botë.

Rusia dhe Kina, që të dyja anëtare të Këshillit të Sigurimit të OKB-së, nuk e njohin pavarësinë e Kosovës.

XS
SM
MD
LG