Lidhje

Serbia, Kroacia, Sllovenia dakord për një kompani të përbashkët hekurudhore

  • Zëri Amerikës

Serbia, Kroacia, Sllovenia dakord për një kompani të përbashkët hekurudhore

Serbia, Kroacia, Sllovenia dakord për një kompani të përbashkët hekurudhore

Serbia, Kroacia dhe Sllovenia ranë dakord të formojnë një kompani të përbashkët hekurudhore që ka si synim përmirësimin e transportit rajonal nga shtetet e Bashkimit Evropian në Turqi përmes tre vendeve ballkanike.

Përfaqësuesit e tre ish-republikave jugosllave e nënshkruan marrëveshjen sot në Beograd.

Zyrtarët e tre vendeve shpresojnë ta shkurtojnë kohën e udhëtimit mes kryeqytetit të Sllovenisë, Ljubljana dhe Stambollit nga 60 në 35 orë.

Sipas marrëveshjes, Sllovenia, Kroacia dhe Serbia do të punojnë për të eliminuar disa nga vonesat në pikëkalimet kufitare duke thjeshtëzuar procedurat doganore dhe administrative. Zyrtarët e tre vendeve ballkanike shpresojnë se shërbimet më të mira dhe më të shpejta të transportit do të tërheqin më shumë biznes.

Ministri serb Milutin Mrkonjiç u tha gazetarëve pas ceremonisë së nënshkrimit se kompania e re do ta ketë qendrën në Ljubljanë dhe do të fillojë të funksionojë në shtator.

XS
SM
MD
LG