Administrata Obama ka nxjerrë udhëzime të reja për të garantuar që shkollat publike po zbatojnë ligjin federal për t’u dhënë fëmijëve të imigrantëve të paligjshëm të drejtën për arsim.
Prokurori i Përgjithshëm Eric Holder tha dje se Gjykata e Lartë vendosi 30 vjet më parë se ligjet që u mohojnë fëmijëve të drejtën për shkollim bazuar në statusin e imigracionit, shkelin konceptin themelor të drejtësisë.
Por zoti Holder tha se Departamenti i Drejtësisë vazhdon të marrë njoftime shqetësuese se disa rajone ndërmarrin masa që pengojnë fëmijët e imigrantëve në arsimim.
Zoti Holder tha se shkollat publike kanë detyrimin të regjistrojnë nxënës, pavarësisht nga statusi i imigracionit, raca, ngjyra apo origjina kombëtare. Ai tha se Departamenti do t’i zbatojë me rreptësi ligjet për të garantuar që dyert e shkollave janë të hapura për të gjithë fëmijët.
Prokurori i Përgjithshëm Eric Holder tha dje se Gjykata e Lartë vendosi 30 vjet më parë se ligjet që u mohojnë fëmijëve të drejtën për shkollim bazuar në statusin e imigracionit, shkelin konceptin themelor të drejtësisë.
Por zoti Holder tha se Departamenti i Drejtësisë vazhdon të marrë njoftime shqetësuese se disa rajone ndërmarrin masa që pengojnë fëmijët e imigrantëve në arsimim.
Zoti Holder tha se shkollat publike kanë detyrimin të regjistrojnë nxënës, pavarësisht nga statusi i imigracionit, raca, ngjyra apo origjina kombëtare. Ai tha se Departamenti do t’i zbatojë me rreptësi ligjet për të garantuar që dyert e shkollave janë të hapura për të gjithë fëmijët.