Në Shtetet e Bashkuara, vëllimi i shitjes së shtëpive ekzistuese është rritur, por çmimi mesatar ka rënë pasi tregu vazhdon të jetë i mbingopur me shtëpi të marra nga pronarët e falimentuar.
Një organizatë e sektorit të imobiliareve tha sot se vëllimi i shitjeve u rrit 2.7 në janar për qind duke arritur nivelin më të lartë në 8 muaj.
Por Shoqata Kombëtare e Agjentëve Imobiliarë njofton se çmimi mesatar i shtëpive të shitura ra në 158 mijë dollarë, më i ulëti që nga prilli i vitit 2002. Organizata njofton se shtëpitë që kanë kaluar në pronësinë e bankave, pas falimentimit të pronarëve, përfaqësonin 37 për qind të shitjeve të muajit të kaluar.
Tregu amerikan i shtëpive dhe niveli i papunësisë kanë qenë dy nga problemet më të mprehta të ekonomisë amerikane pas krizës së viteve 2008-2009.