Lidhje

SHBA fillojnë shkatërrimin e armëve kimike siriane


Një ekuipazh i marinës amerikane ka filluar shkatërrimin e armëve kimike siriane në bordin e një anije amerikane në Mesdhe.

Pentagoni thotë se shkatërrimi i 600 tonëve të armëve kimike do të marrë rreth dy muaj.

Anija Cape Ray është e pajisur me një sistem që përdor substanca si uji dhe hidroksidi i natriumit për t’i bërë kimikatet të sigurta që të depozitohen në depo komerciale.

Zyrtarët thonë se anija është në ujërat ndërkombëtare, dhe se janë marrë masa për t’u siguruar që operacioni nuk do të përbëjë rrezik serioz për mjedisin. Ata thonë se materiali i përpunuar do të transferohet në Finlandë dhe Gjermani për depozitimin përfundimtar.

Siria ra dakord të dorëzonte armët e saj kimike në bazë të një marrëveshje të vitit të kaluar të arritur me ndërmjetësimin e Kombeve të Bashkuara.

XS
SM
MD
LG