Dhoma Amerikane e Tregtisë zhvilloi sot në Shkodër një takim me përfaqësues të bisnesit, ku mori pjesë edhe Drejtoresha e Përgjithshme e Doganave të Shqipërisë, Elisa Spiropali. Në takim u ngritën shqetësimet e biznesit në lidhje me procedurat doganore si dhe nevojën e hartimit të akteve nënligjore, që mundësojnë zbatimin e ligjit të ri doganor, i cili hyn në fuqi në janar të vitit të ardhshëm.