Bashkia e Shkodrës është e vetmja mes 61 bashkive të ardhshme të Shqipërisë, ku për zgjedhjet vendore të 21 qershorit garojnë dy kandidate femra. Ekspertët pohojnë se ky është një shans i mirë që, për katër vitet e ardhshme, kjo bashki të drejtohet nga një kryetare femër. Ndërkohë, ata paralajmërojnë se, për shkak të reformës territorialo-administrative dhe problemeve të brendshme të dy partive kryesore, kandidatet do të përballen me sfida të vështira.