Në vendlindjen e Nënë Terezës, në Shkup, po mbahen manifestime në shenjë respekti dhe përkujtimi në njëqind vjetorin e lindjes së saj. Parlamenti i Maqedonisë mbajti një seancë të posaçme ndërsa me nismën e Lëvizjes qytetare 'Zgjohu' spitali i gjinekologjisë në lagjen Çair të Shkupit u emërua sipas Nënë Terezës. Shoqata dhe personalitete publike kanë vendosur lule në vendin ku ndodhej shtëpia e humanistes së madhe dhe para monumentit të saj në Shkup.