Media shtetërore siriane thotë se një sulm vetëvrasës ka tronditur qendrën e Damaskut, duke vrarë të paktën 25 vetë dhe plagosur dhjetëra të tjerë.
Agjencia zyrtare e lajmeve SANA thotë se një person hodhi sot veten në erë në një udhëkryq në lagjen Midan të kryeqytetit.
Sipas njoftimit, 46 vetë janë plagosur.
Njoftimet e medias bëjnë të ditur se objektivi i sulmit duket se ishte një autobus me policë.