Lidhje

Shqipëri: Aksident i rëndë në segmentin rrugor Ballsh - Tepelenë

  • Raimond Kola
  • Zëri Amerikës

Shqipëri: Aksident i rëndë në segmentin rrugor Ballsh - Tepelenë

Shqipëri: Aksident i rëndë në segmentin rrugor Ballsh - Tepelenë

Policia njoftoi se si pasojë e një aksidenti të rëndë të linjës së autobuzëve Tiranë-Athinë të paktën 9 persona humbën jetën dhe rreth 41 të tjerë u plagosën, disa prej të cilëve ende në gjendje të rëndë.

Dhjetëra trupa të policisë dhe reparteve zjarrfikëse i nxorrën viktimat nga skeleti i autobuzit që rrëshqiti në humnerë në segmentin që lidh Ballshin me Tepelenën në rreth 100 metër thellësi nga aksi rrugor.

Policia po heton dëshmitë e disa prej udhëtareve të cilët pohuan se shoferi, një shtetas grek, në momentin e aksidentit ishte duke folur në telefon. Dëshmi të tjera e lidhën aksidentin me drejtimin pa kujdes të mjetit duke hedhur dyshime se shoferi kishte konsumuar pije alkolike.

Rezultatet e ekspertizes pritet të dalin sot nga policia e qarkullimit rrugor te Fierit. Burime paraprake thanë se drejtuesi i mjetit i mbijetoi aksidentit dhe po merr ndihmë spitalore.

Operacioni i shpëtimit të udhëtarëve që zgjati mbi katër orë u krye në një terren mjaft të vështirë dhe me reshje ndërkohë që të plagosurit morën ndihmën e parë në spitale të ndryshme si atë të Gjirokastrës, Tepelenës dhe Fierit.

Policia tha se rreth orës 23.30 nga autobuzi është bërë e mundur të nxirren të gjithë udhëtarët dhe pritet që bilanci përfundimtar i aksidentit të mësohet gjatë ditës së sotme pasi të plagosurit janë shpërndarë në spitale të ndryshme .

Ministri i Shëndetësisë Petrit Vasili dhe Zv. Ministri I Brendshëm Avenir Peka kanë ndjekur nga afër operacionin duke kordinuar edhe të gjithë ndihmën për të plagosurit.

Aksidenti është nga më të rëndit e këtyre viteve të fundit në aksin rrugor që lidh Fierin me Tepelenën. Shumica e të plagosurve dhe viktimave janë të rinj të grupmoshave të ndryshme dhe nga zona të ndryshme të Shqipërisë. Që të gjithë udhëtonin në drejtim të qyteteve të ndryshme të Greqisë.

XS
SM
MD
LG