Partia Socialiste zhvilloi sot një tubim proteste para Kryeministrisë, duke kërkuar transparencën e materialeve zgjedhore të 28 qershorit të vitit të kaluar. Kryetari i Partisë Socialiste të opozitës, Edi Rama, tha në tubim se protesta është një përpjekje për lirinë dhe të vërtetën. Deputetët e Partisë Socialiste dhe përkrahësit e opozitës vazhduan edhe sot grevën e tyre të urisë në ditën e nëntë, ndërsa mjekët pohojnë se gjendja e tyre shëndetësore po rëndohet.