Në Shqipëri miratimi i ligjit për gjykatat administrative rrezikon të dështojë sërish e për pasojë edhe fondet amerikane të vëna në dispozicion për këto gjykata, siç paralajmëroi dje ambasada amerikane në Tiranë. Partia Socialiste i mbetet qëndrimit të saj se nuk mbështet asnjë ligj pa u zgjidhur çështja e transparencës së zgjedhjeve dhe sot përsëriti se është e gatshme për një paketë më të gjerë bashkëpunimi, nëse kjo çështje merr zgjidhje. Demokratët u shprehën të zhgënjyer nga ky qëndrim, duke deklaruar se opozita po tregon se nuk ka vullnet politik për reformat e rëndësishme në vend.