Rrethet akademike dhe mjedisore në jug të Shqipërisë shprehen kundër disa Planeve të Greqisë për të sjellë ndryshime në prurjet ujore të Lumit Vjosa. Dekani i Fakultetit të Shkencave të Natyrës në Universitetin e Gjirokastrës Lavdi Hasani, thotë se shtrati i këtij lumi është shumëshekullor dhe çdo plan për të kufizuar prurjet ujore do të sillte pasoja të pallogaritshme për ekosistemin në anën shqiptare. Edhe në Greqi kohët e fundit ka patur mjaft reagime lidhur me këtë çështje nga pushteti lokal dhe organizatat mjedisore.
