Në Shqipëri, vitet e fundit është vërejtur një shtim i konflikteve që, në jo pak raste, kanë përfunduar në mënyrë të dhunëshme. Sipas përfaqësuesve të Fondacionit "Zgjidhja e konflikteve dhe pajtimi i mosmarrëeveshjeve", më shumë se 65 përqind e konflikteve kanë në zanafillë të tyre problemet e pazgjidhura të pronësisë. Ky Fondacion po punon në dy rrethe për zgjidhjen e konflikteve përmes alternativës së ndërmjetësimit. Por, sipas drejtuesve të Fondacionit, kjo nuk është e mjaftueshme.