Bizneset shqiptare po shtojnë përpjekjet për të rritur cilësinë e prodhimeve të tyre, duke përsosur teknologjinë. Firma "Beba Cosmetics" me qendër në Durrës, e themeluar 17 vjet më parë, prodhon aktualisht 56 produkte kozmetike, që mbulojnë 80 për qind të kërkesave të tregut. Kompania shpërndan prodhimet në të gjithë tregjet e vendit, ndërsa drejtuesja Elsa Baltëza, thotë se firma po punon për t'u zgjeruar në tregjet rajonale me prodhimet e veta.