Qendra shqiptare e rehabilitimit të traumës dhe torturës po ndihmon Shoqatën e ish të burgosurve dhe të përndjekurve politikë të Shkodrës për trajtimin shëndetësor të anëtarëve të saj. Pjesa më e madhe e ish të burgosurve politikë të regjimit komunist janë në moshë të thyer dhe vuajnë nga një numër sëmundjesh kronike, që kërkojnë trajtim të kujdesshëm shendetësor. Ndërkohë, përfaqësuesit e Shoqatës së ish të burgosurve politikë të Shkodrës apelojnë për vemendje edhe më të madhe nga ana e qeverisë për këtë shtresë në nevojë.