Lidhje

Kryeministri Berisha vlerëson rolin e diasporës për kapërcimin e sfidave kombëtare

  • Ilir Ikonomi
  • Nju Jork

Kryeministri Berisha vlerëson rolin e diasporës për kapërcimin e sfidave kombëtare

Kryeministri Berisha vlerëson rolin e diasporës për kapërcimin e sfidave kombëtare

Kryeministri Sali Berisha falenderoi Shtetet e Bashkuara dhe diasporën shqiptare të Amerikës për rolin që kanë luajtur në zgjidhjen e problemeve kombëtarëve të shqiptarëve gjatë shekullit të kaluar. Ai i bëri komentet në pritjen që shqiptarët e Nju Jorkut dhanë mbrëmë për nder të tij në Manhatan të Nju Jorkut. Kryeministri i Shqipërisë ka ardhur në Shtetet e Bashkuara me rastin e takimeve që po zhvillohen në Asamblenë e Përgjithshme të Kombeve të Bashkuara.


Kryeministrit Berisha iu bë mbrëmë në Nju Jork një pritje e ngrohtë në darkën e shtruar nga Vatra, organizata më e vjetër e shqiptarëve të Amerikës.

Zoti Berisha ndodhet prej ditësh në Nju Jork për takime me udhëheqës të vendeve të tjera si dhe për të ndihmuar në shtimin e njohjeve për Kosovën. Në darkë u ekzekutuan tre hymne, i Shteteve të Bashkuara, i Shqipërisë dhe i Kosovës.

Zoti Berisha tha se diaspora e shqiptarëve të Amerikës ndonëse jo shumë e madhe në numër mund të krahasohet për nga roli i saj me diasporat më të mëdha në Shtetet e Bashkuara. Ai falenderoi Shtetet e Bashkuara për ndihmën që u dhanë shqiptarëve për të dalë nga vështirësitë e mëdha me të cilat u ndeshën si komb gjatë njëqind vjetëve të kaluar.

Përfaqësues të Vatrës falenderuan Shqipërinë për mbështetjen që i dha Kosovës për të fituar pavarësinë. Organizata Vatra grumbullon sot rreth vetes shqiptaro-amerikanë që nuk e fshehin mbështetjen e tyre për Partinë Demokratike dhe për kryeministrin Berisha. Kryetari i shoqatës, Gjon Buçaj, thotë se ky është një pozicionim i natyrshëm i kësaj organizate.Ish i përndjekuri politik, Lekë Mirakaj thotë se ka ardhur koha që Vatra të hapet ndaj më të rinjve në komunitet.

Megjithëse sot komunikimi në botë është shtuar si kurrë ndonjëherë, shqiptarët e Amerikës përpiqen ta mbajnë gjallë frymën e dashurisë për vendlindjen. Këngëtarja Merita Halili, e cila e viziton shpesh Shqipërinë, thotë se ashtu si në këtë darkë hymin e flamurit e ka kënduar me qindra herë në ceremonitë kulturore dhe thjesht familjare që organizojnë shqiptarët.

Kryeministri Berisha pritet largohet sot nga Nju Jorku për t’u kthyer në Shqipëri.

XS
SM
MD
LG