Në Kosovë, aktualisht veprojnë gjashtë të ashtuquajtura, shtëpi të sigurta, që shërbejnë për mbrojtjen e viktimave të dhunës dhe të trafikimit. Përfaqësues institucionesh e organizatash humanitare thanë sot se këto strehimore po përballen me vështirësi të mëdha financiare në një kohë kur gratë, viktima të dhunës, kanë nevojë për përkrahje dhe shërbime profesionale e të përshtatshme.