Lidhje

Shtohen tensionet mes dy Koreve

  • Zëri Amerikës
  • Uashington

Shtohen tensionet mes dy Koreve

Shtohen tensionet mes dy Koreve

Tensionet po shtohen mes dy Koreve një ditë pasi Seuli akuzoi rivalin komunist për fundosjen e një anije luftarake jugkoreane.

Presidenti jugkorean Lee Myung-bak e cilësoi sot incidentin si një provokim ushtarak.

Zoti Lee tha se sulmi vdekjeprurës mbi anijen Cheonan ishte dhunim i Kartës së Kombeve të Bashkuara dhe armëpushimit të vitit 1953 që i dha fund Luftës Koreane. Por ai shtoi se qeveria do të jetë e matur në trajtimin e çështjes.

Një ekip ndërkombëtar hetuesish publikuan një raport dje që arrin në përfundimin se një silur i lëshuar nga një nëndetëse koreanoveriore shkaktoi fundosjen e Cheonanit më 26 mars duke vrarë 46 marinarë.

Korea e Veriut i kundërshtoi këto përfundime si të fabrikuara dhe farsë. Komisioni Kombëtar i Mbrojtjes në Phenian u zotua të përgjigjet ndaj çdo provokimi të mundshëm me luftë.

Regjimi kërcënoi sot të ndërpresë të gjitha lidhjet me Korenë e Jugut dhe të prishë një traktat bilateral kundër agresionit.

XS
SM
MD
LG